هل هاذا السعر مناسب وهل تنصحون بES350 للكرف

ماعرف باسعار السوق بس خذ لفه وشف بكم تقريبا تنباع امثالها
ولكزس جودتها لايعلى عليها وقطعها قطع افالون ونسخة من الافلون 100% بكل شي

فيه امريكي منزل مقطع باليوتيوب معه نفسها موديل 2004 
ماشيه مليون و 300 الف

لكزس عمليه لكن ترى المواصفات المعروضه على سيارة وارد تعتبر نص فل او اقرب للسوح وسعرها غالي وممشى مو مذكور

الخليجي dd فل كامل احسن لك من وارد الامريكي قل ليه ابقولك

اول شيء تصير عداد بالكيلو راديو خرايط كل شيء مطابق لنا
ثاني شغله وارد اليابان تصير عكس الامريكي لكزس تصنيع امريكي
ثالث شغله لكزس خليجي او بدول العالم كلها 272 حصانو 346 نيوتن اما الامريكي 268 حصان و 336 نيوتن

مشكلة dd وارد ابو جميل ناقص مواصفات من ضمنها سماعات مارك ليفنسون

بفلوسك تقدر تحصل es فل كامل خليجي مواصفات افضل من الامريكي جودة اليابان

قزاز مدبل سماعات مارك ليفنسون رادار مع ذاكرة مراتب غير جلد شبه الانيلين

تبريد كراسي عكس الامريكي غالب تسخين

اخوي محمد ماقصر 

ومن ناحية عملية 

لو ماهي عملية ماخذوها تكاسي دبي

انتبه من الخليجي اغلبها تكاسي دبي وعدادها فوق 400 الف 
وتنباع هناك برخص التراب، ويلمعونها وينزلون عدادها ويخمون فيها الناس 

كان معي زيها 2014 cc سعودية
ما لاحظت على الموتر أي عيوب وحقت كرف و راسية و واسعة من الداخل وداخليتها جميلة وشكلها الخارجي جميل واقتصادية في البنزين
حاول تبحث عن ممشى قليل وخالية من الحوادث والمشاكل وتوكل على الله ولا تتردد

ماشاءالله تبارك الله

السيارة ممتاز جدا.. وتكرف كرف موب صاحي.. واللي بالاعلان هذي فل الفل ماشاءالله بالامريكي

سعرها معقول لو تحاول تنزل من سعرها ٤ الى ٦ الاف.. ان شاء الله ما بيقصر.. واهم شيء يكون ثقه.. لان فيه حالات نصب في هالمكاتب اللي تشتري من برا

اذا ثقه توكل على الله.. السيارات الامريكيه راح تنبسط معاها.. تجي كانها جديده ماشاءالله ونظيفه جدا

والجمارك تاخذ ٥بالميه وضريبه القيمه المضافه تاخذ ٥بالميه..يعني حوالي 11 الف حط ببالك فوق قيمة السياره مصاريف جمرك وضريبه.. يبقى التامين واللوح والفحص الدوري.. تكلف كامله حول 2000 الى 2300 ريال

فيه طريقه للسيارات الخليجيه.. بحيث يشتريها مثلا ب ١٠٠ الف.. لكن يكتب له المعرض بالعقد تم شراءها ب ٥٠ الف وتعتبر مساعده للمشتري.. عشان تقل عليه قيمة الجمارك وقيمة الضريبه.. تصير بدل ١٠ الاف.. تصير ٥ الاف..لان قيمة الجمارك ٥بالميه من السياره والضريبه كذلك ٥بالميه من قيمة السياره.. فالمعارض بالكويت والامارات يقللون للمشتري اذا حب بالعقد قيمة السياره.. اما الامريكي مالي خبره

موفق ان شاء الله

اذا امريكي خذ تقرير كارفاكس

ما في مثل الجديد لو انه استاندر
و كلها سيارات سيدان يعني مهو بجيب تقول اوفر
لو تشوف الافالون الجديدة اذا تقدر على قيمتها او كامري V6
و انت بكيفك هذا قرارك و فلوسك مجرد شوي شور